In mezu a l'ultimu buscu mannu ch'è ristatu a Santu Diadoru, di fronti a lu beddissimu mari di la Saldigna, è pusiziunatu lu Campeggiu "Santu Diadoru - La Cinta". La spiaggia manna e longa, cu la rena bianca e fini, l'ea trasparenti e bassa, andani bè pa li steddi manni e minori, pa li piscadori e tutti li bagnanti masci e femini.
Illu Campeggiu vè lu nigoziu di l'alimentari e lu bar abbaltu finu a mezanotti. Ca vò la pizza manna e bona o lu ristoranti basta fà 100 metri a pedi. Cà ancora no ha lu telefoninu, vi so li telefoni a gettoni o a scatti. Candu unu o una si ho fà una doccia, si la pò fa a tutti l'ori di la dì e di la notti. No và problemi, palchì aemu lu puzzu cu l'ea bona e abbundanti. E in più l'ea calda è gratisi!
Poi aemu un pocu di Bungalows in muratura,cu una stanzia cun 4 letti, chi poni esse posti affiancati a dui a dui o comu unu li pari. Poi vè lu bagnu cu la doccia e in veranda v'è lu cucininu cu lu lavandinu di li piatti e lu frigu. Poi aemu puru di li Rulott a 3 e 4 posti lettu. So mancu comudi di li Bungalows palchì no ani lu bagnu e lu lavapiatti e si dei andà a li silvizi di lu Campeggiu. Però ani la veranda ciusa in tela e si pò cucinà.
Cà vò fassi una passizzata a pedi di 800 metri arrea a la Piazza centrali di "Santu Diadoru" undi vi so puru dui ristoranti-pizzerii chi si ciamani " da Nardino" e lu "Gallo Blù" undi si mangia bè e si spera sempri di pacà pocu. Pà paca' sempri a presciu fissu, mangià pulicioni fatti in casa e carri arrustu di pulceddu o angioni, bisogna andà a l'Agriturismu "Li Scopi", a 500 metri da lu biviu di Patru ch'è a 850 metri da lu Campeggiu. Si pò andà puru a pedi da la strada noa di lu Stangiu. Ni ali la pena. Siddu unu la mani nò sinnà di pisà chizzu, pò andà a fassi quattru brinchi in discoteca. A 700 metri vè la discoteca di lu "Ripping" e a 1600 metri vi sò la discoteca "Ambranight" e lu pianu-bar "La Luna".
Ca sbalca a Olbia, cu la nave o cu l'aeroplanu,pa arrià in Campeggiu, dei fa cilca 25 Km a Sud. Ma pinsemu chi no vaggia problemi, "Santu Diadoru" lu cunnoscini puru li Tedeschi di Mannheim chi si facini tutta una tirata pa vinè a agattacci e si sò auti sempri bè ...candu si sò cumpultati bè. Eccu palchì torrani tutti l'anni...da anni. Noi abbrimu lu 15 di Maggiu e ciudimu lu 15 di Santi Gaini, (in italianu si dici Ottobre), e siddu no viniti in Austu... li presci so puru bassi.