In mesus a una corte manna, a cara a su bellu mare sardu b'est su Camping San Teodoro-La Cinta. Cuss'isterrida de arena bianca e fine, s'abba luzziga e pagu funguda faghen de custu trettu e mare su godimentu de sos pizzinnos … e su'e chìe no ìschit a nadare.
Su Campeggio tenet sa Buttega, su Zilleri si pottet manigare a sa Sarda a sa Tedesca e a s'Italiana e bi coghen finzas sas Pizzas. Da chi a tempos de òie, non tenimus pasu mancu cando bi semmus godinde, su Campeggio nos dait peri su telefono pro gramare su trivallu o sos parentes chi cheren affroddiare. In d'unu logu educadu si costumat finzas de si lavare, assumancu una orta sa die, e pro cussu b'an postu s'abba caente e fritta, de badas a cale si siat ora, e chena risprammiu.
In prus de s'attendàre si potten peri pedire sas domeddas (Bungalows)… pro chie connoschet s'inglesu, sono belleddos in muradura e chi battor lettos, sa cughina e su frigidaire sono in foras ma tenet su gabinetto a contu suo. Chie la cheret pottet pighare de cussas domos chi sas rodras chi li naran ..Roulotte chin tres o battor brandas, pro cughinare tenen unu biccu carrazzadu in foras cadauna, inoghe pro si lavare e pro sos bisonzos toccat de andare a sos servizios de su Campeggio.
Su coro de sa idda de Santu Tiadoru est a pag'ora e caminu, "Nardino" e su " Gallo Blu" chi son duos locale meda ospitales e connottos s'ana a fagher dolu si non bi colades carchi sera. Semper a pag'ora e caminu ma in foras de sa idda b'est s'Agriturismo "Li Scopi" (sas iscopas) po chie non est capace in gadduresu. Su notte est unu variu, locales de ballu comente "Ripping", "Ambranight" e "La Luna" faghen zirare sos cherveddos a donzi cristianu.
Agattare su Campeggio San Teodoro-La Cinta est unu jogu de pizzinnos, dae Olbia, logu de Portu e Aeroportu b'at unu quartu'e ora de vittura. Inoghe azzis'agattare cortesia e ospitalidade, bastes chi bos cumportedas comente si costumat. Ah, mi fia irmentichende, abberimmus dea su bindighi de Maju a su bindighi de Santu Gaine.

Grazie e a medas annos.